Þegar Devitos opnaði fyrst árið 1994 komum við á óvart með nýtt fersk bragð og skárum okkur úr fyrir snögga þjónustu og ómótstæðilegar pizzur. Húsakosturinn var lítið skýli sem var aðeins örfáir fermetrar, rétt nóg til að skýla viðskiptavinum frá veðri og vindum. En frá því að Devitos opnaði hefur kúnnahópurinn stöðugt stækkað og því var stundum þröngt á þingi þegar mest gekk á, margir vildu prófa þessar nýju pizzur sem allir voru að tala um en ekki var mikið pláss.
Árið 2004 flutti Devitos í sitt núverandi húsnæði að Laugavegi 126 við Hlemm (gengið inn frá Þverholti) og leystis úr plássleysinu. Það var ekki langt að fara frá gamla staðnum heldur aðeins örfá metra, svo fastir viðskiptavinir gátu vel við unað. Nú var komið gott pláss í hlýju og góðu umhverfi sem þjónar mörgum svöngum munnum á hverjum degi.
